وزير العدل عبد اللطيف وهبي يدخل على خط قضية فاتي جمالي
تفاعل وزير العدل المغربي عبد اللطيف وهبي، مع تدوينة الفنانة المغربية فاتي جمالي، التي كشفت من خلالها عن معاناتها كأم مطلقة.
وعبرت فاتي من خلال ستوري نشرته عبر حسابها الرسمي على الأنستغرام، عن فرحتها بتجاوب وزير العدل مع تدوينتها، حيث قامت مستشارة وزير العدل شخصيا، بالإتصال بها من أجل الحديث عن موضوع انتهاك حقوق الأمهات المطلقات.
وكانت فاتي جمالي قد عبرت عن رغبتها في الإحتفال بعيد الأم، عن طريق ضمان حقوقها قائلة:"عيد أم سعيد الأم ممحتاجاش نهار نكتبوا ليها جملة ف مواقع التواصل الإجتماعي المرأة والأم محتاجة نعطيوها أبسط حقوقها محتاجا المساواة لي ديما كنت كنسمع عليها ولكن مع الأسف مكيناش ، إلا كنت أنا كأم معنديش الحق ناخد بطاقة وطنية ولا جواز السفر متعلقة بولدي لي مجرد أنني مرأة ولكن الرجل يقدر يخدو بلا موافقة الأم (أين هي المساواة) كيقولك لا مرأة تقدر تهرب بولدها على مشاء الله شحال من راجل هرب بولادو وخلا المرأة غدي تحماق، أنا مع الساواة الحق لي تعطي لأب عطيه الأم، أنا كأم حملت وتوحمت وتكرفصت فالحبالة وفالولادة وفرضاعة (بحال كل الأمهات )".
وتابعت مليحة العرب:"وتكرفصت فطلاق وعندي الحضانة إتفاقيا وأنا لي كنضرب تمارة على ولدي وكنصرف عليه بحالي بحال بزاف الأمهات المغربيات القادات لي تهز ولادها بسنانها خصني تتسنى ورقة من عند الراجل حيت الحيوان المنوي ديالو (بلاما تصدموا من الجملة لأنو هدا هو الواقع ) أنا معلنديش مشكل مع الشخص قد ما عندي مشكل مع القانون لي خصو يعطيني قيمتي فالمجتمع منذو شهور ولدي بلا أوراق و دابا خصني نطلع ونهبط فالمحاكم باش ناخد هد الحق لمجرد أني مرأة . كنتمنى من وزير العدل السي "عبداللطيف وهبي" كوزير عدل وحقوقي لي كان مهتم بالقضايا الأسرية، المهنية وحقوق الإنسان يعطي الأم حقها أكيد المشكل ديالي بسييييييط بالنسبة المشاكل أخرى لي كتواجه الأم لأنها مجرد إمرأة في مجتمع ذكوري. ولكن صعيب تكوني كديري كاع المهام الحياتية وتعتابري راسك قوية و راجل ونص وفالآخر تلقاي راسك غير زايدا فهاد الكرة أرضية منذ شهور وفمي كياكلني باش نهدر على الموضوع وكنت ديما كنتردد ولكن عيد الأم ستفزني. أخيرا الأم هي أمك أختك وبنتك ولكم واسع النظر".
