بنمحمود: ما عمرنا نساو لقاءنا بالملك وهو من أمر بتواجد عائلات "الأسود" في قطر والحمد لله درنا النية ونجحنا-فيديو
أكد رشيد بنمحمود، مساعد مدرب المنتخب الوطني المغربي، أن الاستقبال الذي خصصه جلالة الملك محمد السادس للنخبة الوطنية المغربية بعد عودتها من قطر سيظل راسخا في أذهان جميع مكونات المنتخب الوطني.
وقال بنمحمود، إن الملك محمدا السادس “أمر بتواجد عائلات اللاعبين معهم في قطر”، مضيفا، في لقاء نظم اليوم الجمعة بالمعهد العالي للصحافة والاتصال بالدار البيضاء، احتفاء بالانجاز التاريخي لـ”أسود الأطلس” في كأس العالم قطر 2022، أن الرؤية الملكية “كانت تؤكد على تواجد العائلة المغربية بجانب اللاعبين”.
وقال بنمحمود في تصريح لموقع “بلبريس” إن “الاستقبال الملكي رفع لينا الراس ديالنا قدام العالم، والاستقبال اللي دار لينا جلالة الملك فالقصر عمرنا نساوه وفخورين بهاد الاستقبال ونتمناو إن شاء الله نفوزو بكأس إفريقيا”.
وفي تعليقه على طموح المنتخب الوطني المغربي المقبل خلال كأس أمم إفريقيا، قال بنمحمود، إنه “بعد الإنجاز اللي حققنا فالمونديال كنظن أن الوقيتة وصلات باش الإنسان يفكر فالمستقبل، ونشوفو هاد اللاعبين علاش قادرين، باش نقدرو نحققو الإنجاز الأهم بالنسبة لينا اللي هو التتويج بكأس الكان، وما يمكنش يجي هاد الشي إلا بالعمل والاجتهاد، وعندنا الثقة فاللاعبين اللي غيقدرو إن شاء الله يجيبو لينا الكأس”.
وبخصوص التحاقه بالمنتخب الوطني قبل شهور قليلة من انطلاق منافسات المونديال، قال مساعد المدرب السابق للوداد البيضاوي “أهم حاجة عندي هو المغرب، وأنا كنقوم بالعمل ديالي باش تكون المصلحة العامة كطغى على المصلحة الخاصة، درنا النية ملي شدينا المنتخب فهداك التوقيت والمغاربة كاملين كانت عندنا النية والحمد لله نجحنا”.
