تشيكيطو:على أخنوش والمنصوري والرميلي تقديم استقالتهم من مسؤولية عمادة المدن
عادل تشيكيطو
"على أخنوش والمنصوري والرميلي تقديم استقالتهم من مسؤولية عمادة المدن اللي تنتخبوا بها...
راها ما ركباش رئيس حكومة ووزيرتان كيشتغلوا تحت وصاية والي هو أصلا موظف حكومي.
زيد عليها الحقائب الوزارية اللي خداوها كتحتم عليهم التواجد باستمرار فالرباط وهذا الأمر غادي يأثر بشكل كبير على مصالح المدن اللي كيسيروا مجالسها وحتى على المسؤولية الحكومية اللي كيتحملوها...
طبعا بلا ما نتكلم على شعار عدم الجمع بين المناصب وتراكم التعويضات المالية اللي ثارت الكثير من النقع والجدل في وسط الرأي العام.
مايمكنش في مبدأ واحد نكيلوا بمكيالين ونشرعوا قانون كيمنع البرلماني يجمع ما بين صفتوا كبرلماني وبين مسؤولية رئاسة مدينة كيتعدى عدد ساكنتها 300 ألف نسمة ونسمحوا لوزير أو لرئيس حكومة اللي لعندوا مهمة أكثر جسامة من البرلماني باش يترأس مجلس مدينة من الحجم المذكور آنفا.
الدار البيضاء ومراكش وأكادير مدن كبيرة كتتطلب الحضور اليومي واخا تعيا متفوض غادي تسقط فالمحذور... هذ الشي علاش كان خاص تعديلات تشمل القانون التنظيمي 113.14 من بينها تعديل كيمنع الجمع بين رئاسة المدن الكبرى والمسؤولية فالحكومة والبرلمان."
