بعد وفاة والدها روعة بيوتي توجه رسالة شكر لكل من ساندها

بعد وفاة والدها وجهت اليوتيوبرز المغربية روعة بيوتي عبر صفحتها الرسمية على موقع تبادل الصور والفيديوهات أنستغرام رسالة شكر، لكل من ساندها في محنتها.

وقالت روعة: "السلام کنبغی نشكركم كاملين بزاااف بزااااف علی كاع الدعيوات ديالكم لبابا قبل الوفاة ديالو وكنبغي نشكركم حتى داب على كاع الدعيوات للي كدعيو معاه وهو فأحسن بلاصة عند الله الحمد لله ربي بغاه خداه عندو والحمد لله على كل حال".
وتابعت القول: "بصح الفراق صعییییییب وصعیییب بزاااف و مؤلم ومايمكنش تشرحو ولكن ربي منزل رحمتو والصبر علينا حيت الحمد لله راضين بقضاء الله".

وعن المرحلة التي تعيشها الآن قالت روعة:" هاد المرحلة كتحس بيها كتقصح ليك لداخل ديالك بلا هواك من كاع النواحي وكتبين ليك بزا|||||اف ديال الحوايج من كاع النواحي وكتولي تفكر مبدل وكتبان ليك الحقيقة وهادشي شكون غيحس بيه ؟
للي داز من نفس المرحلة وفقد واحد من والديه".

مؤكدة: "كيتخربقو ليك كولشي من كطيحي فهادشي كتولي تقول واش انا كنحلم ؟ لا هادشي بصح .. لا مايمكنش ألااا والله حتى مات .. أو زعما صافي مابقيتش غنشوفو ؟صافي هدا الفراق حتى نتلقاو لهيه عند الله ... لا خاصني نصبر ونقوي راسي ... كدعي الله يتبتك وينزل عليك الصبر والسلوان حيت فهاد المرحلة غير ترضى بداكشي الي مكتبو الله والصبر هما للي غينفعوك".

وفي الختام وجددت ورعة الشكر لكل من كان مععا وقت الشدة :" وبغيت نشكر بزاااف ومن كل قلبي شي ناس للي سخرهـم ربي فطريقي باش يوقفو معايا وحدين منهم كنعرفهم صحباتي للي فالشدة بانو، شي وحدين جمعاتني معاهم خدمة فقط وشي وحدين ماكنعرفهومش كاع ولقيتهم واقفين معايا الله يجازيهم بالخير والله يوقف معاهم".

وأضافت :"شكرا على التعزية ديالكم ... الله يحفظ ليكم والديكم الا باقين فالحياة وللي ماتو ليه الله يرحمهم ويوسع عليهم وينور قبرهم".

وكاع الناس للي بغاو يساعدوني فوقت الحاجة من كنت نسول على العسل ولا للي بغا يجيبو ليا من الرباط ... واللائحة طويلة... والله كنشكركم كلكم من كل قلبي الله يجازيكم وانا لله وإنا اليه راجعون".

يشار إلى أن والد روعة بيوتي توفى قبل أسبوع، اثر إصابته بمضاعفات فيروس كورونا المستجد.


شاهد أيضا

اترك رد

لن يتم نشر عنوان بريدك الإلكتروني.