كوثر براني تهاجم منتقديها بسبب شجرة أعياد الميلاد "لي فيكم كافيكم"
ردت الفنانة المغربية كوثر براني، عن كمية الإنتقادات الاذعة التي طالتها، بسبب شجرة أعياد الميلاد، التي تقاسمتها عبر خاصية القصص القصيرة على حسابها الرسمي على موقع تبادل الصور والفيديوهات أنستغرام.
ونشرت كوثر فيديو عبر نفس الخاصية، هاجمت من خلاله منتقديها قائلة:"ديك الشجرة ديال نويل ماغاديش نحيدها هاذي أولا، ثانيا حاجة هاديك دار ديالي من حقي نحط فيها شنو مابغيت، نحط فيها مصحف نحط فيها شجرة نويل مانحط فيها والو الموضوع راجع ليا، هاديك سيري الله يفعلك والله يترك لك خليها عندك ماعندي ماندير بيها وغادي ترجع لك بالمثل".
وأوضحت :" أنا ماتربيتش فعائلة لي عندها عقد من الديانات الأخرى، لا قالك حرام شجرة ، شجرة فيها الضو حرام ؟؟؟ لا العلماء قالو ماكنسمعش العلماء أنا عندي عقل باش نفكر شنو هو الحرام وشنو الحلال؟ الحلال باين والحرام باين".
أنا بنت الناظور بين الناظور ومليلية كاين واحد 10 دقايق ولا ربع ساعة من صغر ملي كنت صغيرة وأنا كنشوف نويل وأنا كنشوف الشجرة وكنشوف العيالات بالمايوه وأنا كنشوف الشراب محطوطين فالمراكز التجارية، هذاك شي ماكيزعزع فيا والوما أنا كنشوف شجرة نويل بنسبة لي شجرة زوينة ملونة لا أقل ولا أكثر، ما أنا كنتعبد بالعبادات ديالهم ما أنا كنمشي للكنيسة نصلي ما أنا كندير داك شي ديالهم باش تدخلو عندي تسبوني".
وفي إشارة منها لكيفية تربية إبنتها أكدت براني :" بغيت نربي بنتي بواحد التفكير أننا كنحتارمو جميع الديانات، ملي كيجيو نصارى عندنا المغرب وكيكون العيد وكنعطيوهم غريبة ونديوهم يلبسو اللباس التقليدي .. كنقولو واو جاو كيحمقو وملي حنا نديرو شجيرة ديال الله، شجرة ديكور تنوضو عليا بالسبان وداك شي، سبانكم خليوه عندكم لأن داك شي لي فيكم كافيكم ، سنة سعيدة".
