هذه هي أخر تطورات الحالة الصحية للفنانة منال الصديقي
بعد كشفها لمتابعيها عن ورم في الثدي خرجت الفنانة المغربية منال الصديقي لتطمئن جمهورها ومتابعيها عن حالتها الصحية.
وكشفت منال عبر ستوري نشرته على صفحتها الرسمية على موقع تبادل الصور والفيديوهات عن حالتها الصحية قائلة:"من بعد آخر سطوري لي نزلت ولبارح توصلت ببزاف ديال الميساجات من عند الأصدقاء و الصديقات و المتابعين الأعزاء كيسولو فيا جاوبت على لي قدرت عليه و كان السبب ديالو أنني لقيت ورم فالثدي ديالي الثاني، الي خلاني نقطع العطلة د العيد و نرجع كنجري لكازا باش نشوف أقرب موعد مع الدكتور ديالي فالرباط و ندوز عليه خصوصا أني أهملت الكنترول ديالي فالسنوات الأخيرة".
وتابعت بحزن شديد على فراق أمها :" الشيء الي خلاني نرجع بالذاكرة ديالي قبل ست سنوات و ندوز نفس المراحل فالكشف، و الفرق لي كان أن وقتها كانت ماما الله يرحمها واقفة معايا فكل خطوة فالمستشفى، و دابا كنت بوحدي الشيء الي خلاني نتحسر و نتألم نفسيا".
وأضافت:" البارح جاتني النتائج ديال الماموغرافي جينيكو و الإيكو أن الورم حميد و غير خبيث و مافيه خطر عليا في انتظار باقي النتائج المفرحة لباقي تحاليل الدم و المناعة".
وفي الختام أكدت :" دابا الحمد لله الامور على ما يرام لحد الان، شكرا بزاف عائلتي أصدقائي و المتابعين الأعزاء على سؤالكم عني و رسائلكم و اهتمامكم ربي ما يضركم فصحتكم ولا حبيبكم ولا فقريبكم، و شكر خاص للطاقم الصحي الي كيهتم بالمواطن فكل الظروف".
جدير بالذكر إلى أن الفنانة المغربية منال الصديقي، سبق وأن تقاسمت مع جمهورها عبر صفحتها الرسمية على موقع تبادل الصور والفيديوهات، خبر مرضها.
