الماء، عنصر حيوي ومادة أساسية في حياتنا يجب الحفاظ عليه
الماء، عنصر حيوي ومادة أساسية في حياتنا ، إنما مع الأسف غادي و كينقص، بسبب التغير المناخي ، ارتفاع درجات الحرارة ، ازدياد في عدد السكان ، والاستهلاك غير مسؤول .
فبلادنا و للي كتعاني بدورها من أزمة كبيرة فنقص المياه، ما زلنا مع الأسف كنستهلكو كميات كبيرة من الماء الصالح للشرب ، فاستعمالات أخرى متعددة للي ماكتطلبش منا استخدام هاد الماء ، للي حنا اليوم في أمس الحاجة ليه . هادشي علاش صبح الآن لازم علينا ، ضرورة استغلال المياه المستعملة باش نحافضو على الماء الصالح للشرب.
وتطبيقا للتوجيهات السامية لصاحب الجلالة الملك محمد السادس نصره الله في مجال اقتصاد الماء و إعادة استخدام المياه العادمة ، قامت الجهات المسؤولة بإنشاء العديد من محطات التنقية والتطهير ، للي كتم فيها معالجة إضافية، بإعادة تدوير هاد المياه بطريقة كتستاجب للشروط البيئية .
هاد المياه للي تمت معالجتها و للي كيتم نقلها عبر قنوات خاصة كيبلغ الطول ديالها أزيد من 300 كيلومتر كتمكنا اليوم من سقي جل المساحات الخضراء ديال مدينة الرباط و بعض المساحات الخضراء ديال مدن سلا و تمارة و صخيرات و الهرهورة . المياه العادمة المعالجة الغير الصالحة للشرب ، كيمكن استخدامها مثلا ، فسقي الملاعب الرياضية ، غسيل السيارات ، تنظيف الطرقات العامة ، تزويد قنوات إطفاء الحرائق، سقي حدائق الإقامات السكنية و حتى في تبريد وتنظيف المعدات الصناعية الغير المخصصة لتصنيع المواد الغذائية .
و هكذا ، غنكونو حافضنا على جزء هام من مياه الشرب و تفادينا التبذير دياله .
و باش يتمكن الجميع من استغلال هاد المياه المستعملة بسهولة ، شركة ريضال كتوضع رهن اشارتكم العديد من المحطات الذكية للمياه المستعملة ، فعدة مواقع من مدينة الرباط ، هاد المياه للي كتبقى معمولة لاستعمالات خاصة ومحددة .
نقط هاد المحطات الذكية موجودة على الموقع الإلكتروني ديال شركة ريضال استعمالها ساهل و بسيط ، فقط بواسطة بطاقات التفعيل القابلة للتعبئة ، و للي موجودة فوكالات ريضال. استغلال المياه المستعملة عبر ولاية الرباط - سلا القنيطرة بإعادة الاستعمال ديالها ، كتعتبر وسيلة اقتصادية باش نحافظو على الماء الصالح للشرب فبلادنا.
للمزيد من المعلومات ، اتصلوا بمصلحة الزبناء او بوكالة حسان استخدام المياه المستعملة ، محافظة على الثروة المائية .
https://www.redal.ma/fr/borne-intelligente-eaux-reutilisees-almhtt-aldhkyt-llmyah-alm stmlt
