أسامة رمزي يعلق على فيديو "مجرم" طنجة: "عندنا بزاف ديال الشعارات تدعي المثالية ولكن الجوهر فاسد"

تداول رواد  مواقع التواصل الإجتماعي صبيحة اليوم الثلاثاء فيديو يوثق ماقام به أحد شباب مدينة طنجة، حيث أقدم على تعرية فتاة في الشارع العام.

وعقب هذا الفيديو خرج الفنان الكوميدي أسامة رمزي معبراََ عن غضبه الشديد من هذا الفعل المشين، عبر صفحته الرسمية على موقع تبادل الصور والفيديوهات أنستغرام.

وقال رمزي عبر ستوري "الصراحة قبل ما نهضرو على الحل ديال هاد الظاهرة و بزاف ديال الظواهر خاصنا نعترفو باللي فالمغرب عندنا بزاف ديال الشعارات تدعي المثالية ولكن الجوهر فاسد و أخلاقيا عندنا مشكل كبير".

وأضاف "فاش و شفت هاد الفيديو ديال هاد الولد اللي صور بنت غادية و هز ليها الكسوة و ضربها أول سؤال جا فراسي هو كيفاش قال فراسو را عندو الحق يدير هادشي أصلا ؟ واش المبرر ديال هي لابسة هاكا كافي باش دير هادشي ؟ ما كاظنش ! كايجيني غريب دفاع البعض على الغلط ( فنظرهم ) بغلط أكبر و حتى إيلا ما عجبكش لباس شي حد علاش غادي تعاقبو أنت بأشمن حق ؟ ".

وتابع القول" كاين مشكل كبير فالتربية و كبير بزاف تا ولاو بعض الناس عند بالهم قادرين يعطيو لراسهم الحق يعاقبوك و يدخلو فحياتك و يبدلوها . وسط دوك المغاربة الزوينين كاينين ناس كايتحرشو باللي لابسة مقزب ولا لابسة الجلابة و لابسة واسع و حاملة و مرا كبيرة ... إلخ كاينين ناس كايدخلو يعايرو اللي ما جاوباتهمش بريفي وكاينين اللي كايدعيو العفة هوما نيت اللي كايجريو يدخلو للمواقع الإباحية فرمضان".

وأكد رمزي أنه يستوجب عقاب هؤولاء الأشخاص قائلا "خاص عقوبات ديال بصح فهادشي و باراكا من العاطفة حيت هادشي عندو جوج حلول التربية فالدار و العقوبة اللي ما تخليش الواحد يفكر بحال هاكا أصلا . خاص اللي تعرض لأي ممارسة كاتاديه نفسيا ولا جسديا يديكلاري و يهضر على حقو و قبل ما نزلو أحكام نتعلمو نسمعو و نحللو و نفهمو علاش وقع هادشي و السلام عليكم".


شاهد أيضا

اترك رد

لن يتم نشر عنوان بريدك الإلكتروني.