أسامة رمزي: "مكاينش غير البرد و الرواح كيف كايقولو بزاف كاينة حتى كورونا"
يواصل الكوميدي المغربي أسامة رمزي، حملته التحسيسية والتوعوية ضد فيروس كورونا المستجد،، عبر حسابه على موقع التواصل الإجتماعي "انستغرام".
وتقاسم أسامة مع متابعيه خبر محزن وهو وفاة أحد أقربائه بفيروس كورونا قائلا:"غير دابا شوية تلقيت إتصال ديال وفاة واحد الشخص اللي كانعرفوه و قريب من العائلة الله يرحمو اللي يالاه فالثلاثينات، للأسف حالتو بقات كاتصعاب نهار علی نهار و كان كايقول راه غير البرد اللي ضربني حتى تفاقم الوضع و كان فات الفوت".
وتابع:"هاد الميساج غا نقولو حيت كانحس بيه ضرورة وواجب . را ما كاينش غير البرد و الرواح كيف كايقولو بزاف كاينة حتى كورونا و حتى إيلا أنت مقتنع باللي غير رواح سد عليك و إنعزل و البروتوكول راه معروف واخا الواحد و ما خاصوش يستهن بصحتو و صحة اللي معاه".
وكنصيحة منه لمتابعيه:" الواحد خاصو يدير طيسط و يعتق قبل فوات الأوان بنادم سيمانة مدگدگ و ما يشم ما والو و كايقول لا غير البرد ، راه حتى اللي ملقح خاصو يتبع البروتوكول حيت ما حد المغرب كامل ما ملقحش را ما كايناش مناعة جماعية"، مؤكداََ:" قريت بعيني عشرات التعاليق كاتقول ليك اه راني مدگدگ السخانة أنا و الدار ! إيوا آش كاتساينو ؟" .
وفي الأخير ندد:" ردوا البال و ردوا حيت فعلا الوضعية صعيبة بزاف و باراك من نظرية المؤامرة و بغاو يقولبونا و يقتلونا و كورونا غير برد حيت هادشي ما كاينش و نمشي معكم بعيد حيت إيلا هادشي كيف كاتقولو راه الحقيقة الوحيدة اللي قدامنا هي كاين فيروس يوميا كايقتل عشرات الناس و السلام عليكم والله يحفظنا و يحفظ عائلاتنا و بلادنا".
وفي نفس السياق نشر" ستوري "، اخر على موقع تبادل الصور والفيديوهات، يتحدث فيه عن مبلغ إختبار كورونا قائلا :" فالجهة الأخرى كاين واحد المسألة اللي هي طيسط اللي للأسف ماشتي كلشي كايديروه ليه و إيلا بغيتي تخلص كاتلقاه ما بين 500 تال 700 درهم ، الحاجة اللى صعيبة على بزاف ديال العائلات و خاص تخاد بعين الإعتبار" .
مسترسلا:" حيت ماشي كلشي عندو القدرة يخلص الفلوس و حنا عارفين باللي كورونا فيها بروتوكول و فيها راديو ديال الصدر و زيد و زيد باش تعرف الحالة ديالك فين واصلة . الله يلطف بينا".
