بالصور.. الكوميدي أسامة رمزي يفجر غضبه على أصحاب الصدقة بالعلن
خرج الكوميدي المغربي الشاب أسامة رمزي، عن صمته حول طريقة تصدق بعض مشاهير مواقع التواصل الإجتماعي على العائلات المحتاجة.
وأفرغ أسامة غضبة حول هذه الظاهرة عبر "ستوري"، نشره عبر صفحته الرسمية على موقع تبادل الصور والفيديوهات "انستغرام".
وقال:"شفت واحد الفيديو على الصباح ديال شي واحد سميتو أبو شي حاجة ولا ما عرفت كايفرقو الحوالا على الناس اللي الله يحسن العوان محتاجين".
وأضاف: "شي سيدة عطاوها حولي و من بعد دارو ليها كمين كيف سماه هو مشى عندها شي واحد منهم و قال ليها واش تبيعي الحولي قالت ليه أه ولكن ب 1000 درهم".
وتابع القول:" ناضو حيدو ليها الحولي حيت اكتشفو الحقيقة زعما ، بغيت نقول لهاد السيد و أي واحد كايدير شي خير و يبدا يخرج فالعضلات ديالو زعما شوفوني راني داير الخير راكم مراض و عندکم عقد و خاصكم تعالجو" .
مؤكداََ:" الخير كايديرو الواحد بينو و بين الله و حتى إيلا الضرورة كانت هي نبينو الخير ما كانهينوش الناس بقلة الشيء اللي عندهم ولا نبينوهوم ولا نحرجوهم" .
وندد:" الفلوس ربي عطاهم لواحد باش يعاون بيهم اللي محتاج ماشي باش يهينو . بغيتي دير الخير عطا الله الناس المحتاجة عطيه اللي قسم الله بينك و بينو ولا عيط ليه و قول ليه أجي خود الحولي ديالك بعيد على شوفات الناس اللي كاتكون قاصحة".
ليختم تدوينته ب:" بناقص من هاد الخير اللي فيه الشوهة . كيفما كاتراعيو للناس اللتي ما معيداش راعيو للإحساس ديال نفسية بنادم و ما تجرحوهمش . ديرو الخير في سبيل الله ماشي فسبيل البوز".
