أسامة رمزي معلقا على غلاء الأسعار: وليت نشوف البؤس فوجوه الناس.
وجه الفنان الشاب أسامة رمزي رسالة للمسؤولين بخصوص موضوع غلاء الأسعار الذي تشهده المملكة المغربية تزامنا مع حلول شهررمضان المبارك.
ونشر أسامة رمزي تدوينة عبر صفحته الرسمية بتطبيق الفايسبوك جاء فيها:" بعد المرات الحاجة ماللي كاتكون فيها ماشي بحال سامعهاولا شايفها بعينيك ، اليوم في السوق شفت واحد البؤس في وجوه الناس كايبكي و يضر في القلب الموضوع ماشي كومونطيرات ولاهاشتاغات حيت البارح دخلت عند بزاف اللي كيهضرو على هادشي كانلقاهم كيحملو المسؤولية لأشخاص غير باش يتسماو عطاو رأي وكيرجعو اللور و زعما عادي.
وأضاف رمزي قائلا:" اليوم شفت الناس اللي ما عارفينش شناهو وسائل التواصل الاحتماعي ما عندهمش صوت كايشوفو فحاجة الليتشبع جوعهم و ما يقدروش يقولو شي حاجة كايحنيو راسهم و يزيدو . أنا و أعوذ بالله من أنا ما غاديش ندخل فتفاصيل ولا نحكم فنواياولكن اللي غادي نقول هو را بصح كاينة فئة كبيرة مقهورة و حالها كايبكي خاص يتشاف من حالهم و يتدار حل حيت الوقت صعابت بزاف والناس اللي قادرين يعاونو بأي حاجة حرفيا أي حاجة يعاونو.
وختم الفنان الشاب تدوينته ب:" كانت النية فكورة و ربي ما خيبناش دابا النية خاصها تدار عند أي واحد مسؤول و همو على بلادو وناسها، الله يصاوب"
وتفاعل رواد مواقع التواصل الاجتماعي مع تدوينة أسامة رمزي معتبرين بأن الارتفاع الكبير الذي تعرفه أسعار الأسواق المغربية فاق المستوى المعيشي للمواطن المغربي الضعيف.
