مشاهير مغاربة غاضبون من تصريحات وزير الصحة آيت الطالب
عبر العديد من المشاهير المغاربة عن رفضهم للطريقة "المستفزة" التي تحدث بها وزير الصحة والحماية الاجتماعية خالد أيت الطالب، عن فرض اعتماد جواز التلقيح يوم أمس الثلاثاء بمجلس النواب، حيث صرح بأن "الأقلية ماغاديش تفرض علينا الرأي ديالها" .
وفي هذا السياق، قال الكوميدي والفنان أسامة رمزي، عبر خاصية الستوري بتطبيق تبادل الصور "انستغرام" إنه :" الأقلية يا سعادة الوزير اللي تكلمتي عليها كاتبقى فئة من مواطنين مغاربة مآشي فئة منبوذة اللي تكلمهم بهاد الطريقة ! الأغلبية ملقحة منهم هاذ عبد ربه ولكن فئة أخرى ما مقتانعاش يا سيدي الفاضل يعني خدمتكم تلقاو أساليب أخرى و طرق أخرى تحاولو تفهمو علاش هاد الناس ما بغاوش و تجاوبوهم على أسئلتهم ماشي تدخل مع الناس فتحدي و تتكلم بهاد الطريقة الإستفزازية و النتيجة ما تكون عكس المراد .
وأضاف رمزي :"الظرفية صعيبة أه ولكن محتاجة الرزانة ماشي بحال هاد الخرجات اللي غا يخليو الناس يجريو على التلقيح . كلنا عندنا هدف واحد هو ما تبقاش شي حاجة سميتها كورونا غير هو غياب التواصل كايخلق مشاكل اللي وصلات أن المغاربة مضاربين مع بعضياتهم و كورونا شادة كرشها كاتضحك "؟
ومن جهته، علق الرابور توفيق حازب المعروف بـ“دون بيغ” عن رفضه لتصريح الوزير، قائلا:” هاد السيد خاصو لي يقريه شوية كيفاش يدوي بدبلوماسية أو كيفاش يحترم راسو أولا أو يحترم شعب الأقلية كانت أو أغلبية..".
وأضاف البيغ في تدوينة نشرها عبر خاصية ستوري على حسابه بالانستغرام:" راه ما جالسينش فقسم مخليه ليك باك وأنت كاتفرض الرأي ديالك، أدب الحوار هو أول مكتسب خاصو يكون عند السياسيين”.
كما دخلت المؤثرة إيمان بطمة شقيقة الفنانة دنيا بطمة على الخط، حيث نشرت هي الأخرى تدوينة عبر صفحتها بتطبيق "انستغرام" تقول فيها :" تصريح وزير الصحة اليوم كان فيه نوع من التمييز و العنصرية وكأن الغير ملقحين ليس لهم حق في هذا الوطن !" مضيفو" التصريح فيه تجاوز لما ينص عليه دستور و قوانين بلادنا الحبيب سؤالي لك أيها الوزير كيفاش باغي الفئة الملق ، حة من الناس تحمي الغير الملقحين ؟ على معرفتي و من خلال تتبعي لكلام اللجنة العلمية را اللقاح كيحمي الملقحين أو لا ؟ إذا علاش خايف عليهم من الغير الملقحين ؟ ياك كسبوا المناعة ؟ واش هادي نعتابروها رسالة صريحة تهدف لإقصاء الغير ملق ، ح من المجتمع ؟
وأضافت بطمة ":" ليكن في علمك سعادة الوزير مظاهرة يوم الاحد خرجو فيها تا الناس الملقحين الرافضين للجرعة الثالثة لا داعي لزرع الفتنة بين الشعب و لكل شخص حق الاختيار".
أما الرابور حليوة، فنشر هو الآخر "ستوري" يرد فيها بشكل قوي على تصريحات أيت الطالب قائلا:” نهار الاحد نخرج فالرباط، حيث مايمكنش نبقى نسمع شنو كيقول هاد خونا أو نبقى فأنستغرام كاندوي””.
ولم يفوت الفنان إيهاب أمير المعروف بمعالجته لقضايا تهم الشباب والأوضاع الاجتماعية، الفرصة لطرح وجهة نظره في الموضوع، حيث قال:" غير مقبول تماما من أي مسؤول أنه يخاطب الشعب بطريقة مستفزة ، أقلية كانت ام أكثرية كنبقاو شعب واحد اللي بهاد العبارة طلعلينا كلشي في الراس كلشي النفسية ديالو مدمرة اوا اسيدي المواطن باغي ماللي يمشي للمستشفى يلقى الراديو خدام على الاقل ( يداوا مجانا و لا هادي منفرضوهاش ؟ رفقا بالناس وجب التواصل باللتي هي أحسن وتحمل المسؤولية ".
وقال آيت الطالب خلال مداخلته أمس الثلاثاء، في مجلس المستشارين، إن الجواز وثيقة لحماية المواطنين، قائلا: أنا عندي أغلبية ملقحة خاصني نحميها أكثر من الأقلية اللي ماغاديش تفرض علينا الرأي ديالها”، مردفا “جواز التلقيح يدخل في إطار الاجراءات الاستباقية التي من شأنها نقل المغرب إلى بر الأمان”.
وأضاف أيت الطالب أن “مراقبة الوضعية الوبائية في دول أوروبا وغيرها، تؤكد أن بلادنا ليست في منأى عن نكسة وبائية أخرى خاصة مع انتشار متحورات الفيروس وتكاثرها، وبالتالي فالجواز وثيقة للحفاظ على المكتسبات المحققة في مواجهة الجائحة”.
والجدير بالذكر، أن مئات المواطنين المغاربة خرجوا، يوم الأحد الماضي، في العديد من مدن المملكة، في مسيرات احتجاجية، للتنديد بقرار فرض اعتماد جواز التلقيح للولوج إلى الأماكن العمومية، مطالبين بإلغائه، معتبرين أنه يمس بالحريات وغير دستوري.
