بعد معانات طويلة مع مضعفات فيروس كورونا جدة رباب أزماني تغادر إلى دار البقاء
غادرت إلى دار البقاء جدة المؤثرة المغربية رباب أزماني زوجة الفنان فريد غنام صباح يوم الجمعة بعد صراع طويل مع مضعفات فيروس كورونا المستجد.
وتقاسمت رباب هذا الخبر المحزن مع جمهورها عبر صفحتها الخاصة على موقع تبادل الصور والفيديوهات أنستغرام قائلة "انا لله وانا اليه راجعون مامي الحنينة ديالي مشات عند الله دعيو معها بالرحمة ومعنا بالصبر ما لحاقتشي مراسيم الدفن وخا عييت نجري عمق الحزن لي في قلبي عالم به غير سيدي ربي".
ونعت أرماني جدتها بكلمات مؤثر حيث نشرت صورة لهما أرفقتها بتدوينة جاء فيها "كنت باغية نلبسو بأربعة بنا نفس اللبسة في حفل ختانة كرم . كنت باغية نعملو جلسة تصوير لأربعة أجيال... كنت باغياك تشوف بنت سمر و نرجعو خمسة أجيال...باقي ما قلتلكشي بلي كنت كنفتخر بك ملي كنت طفلة و کنقولهم مامي باقة صغيرة و مزيونة و حنينة... ملي كانو كيشوفوني معك، كيقولولي كتكذب علينا هادي ماماك، خصوصا ملي كيسمعوني كنعايطلك مامي ".
وتابعت" في خبارك كنت كنبغي طنجة غير حيت نتينا فيها كنتي كتفرح بزاف ملي كنقولك عمري ماكلة لذيذة أكثر من ديالك و في نفس الوقت كتحشم ! كليت شي عييت نحاول نتفكر شي نهار عاليتي فيه صوتك عليا أو خصارتيلي خاطري . بالعكس ديما كنجي نشكي عليك و كنلقاك أحن وحدة عليا في هاد و الكون نتينا كنتي الركيزة بالنسبة ليلي و الخير و البركة ".
وأضافت " التيليفون كنتي كدافع عليا ملي كيقولو رباب ما كتعايطشي في بزاف... حيت عارفة بلي معزتك أكثر من ألو، و بلي هاديك هي طبيعتي أخر اتصال كان بيناتنا قولتيلي عتاقني الله يخليلك كرم... و هاد الجملة نهار و ليل في ودني كذباحني... وخا الله لي عالم عملت أكثر من جهدي... أسبوعين ما نعست... ما وقفت الدعاء... ما وقفت بكا... ما وقفت وصايا عليك...ما نزلت التيليفون من يدي... دقيقية بدقيقة كيعطيوني خبارك... و حتی تصاورك لي قبالت عيني غتبقى مدى الحياة".
واختتمت رسالتها" طبعا باقة كنفتخر بك حيت كلشي كيقول نتينا المراد الجنة و ربي بغاك في يوم الجمعة لي عظيم عندو و ختارك تكون شهيدة الوباء الحاجة الوحيدة لي كتصبرني و لو بنسبة قليلة على فراقك... هي أنني متأكدة أنك مرتاحة دبا برحمة الله كنوعدك غنعمل جهدي كامل باش نتلاقاك في الجنة إنا لله وإنا إليه راجعون".
