خرج الفنان المغربي المعتزل هاشم البسطاوي عن صمته، ووجه كلاما صارما للفنانة المغربية صفاء حبيركو، عقب تصريحها حول الحجاب الذي إدعت أنه بالقلب.
وقصف هاشم هذه الأخيرة عبر حسابه بموقع التواصل الاجتماعي “فايسبوك “، قائلا “بسنطيحة كبيرة وبلسان لا علاج له غير ترديد كلام الله سمعت “امرأة”، ماهي ممثلة، ما هي مغنية ،ما هي عارضة أزياء ماهي كوافورة لا تثبت على معصية واحدة تجعلنا ندعو لها بالإقلاع عنها، قالت مال التوبة هي الحجاب ماعندي علاش نديرو، مالي شكاندزير، كاندير الخيز..الإيمان فالقلب باطا طي باطاطا.”.
وأضاف البسطاوي “أختي عافاك واش المغنية Diam’s مني تاب عليها المولى عز و جل واش دارت گُرينات AManda figueras واش رادت queues de cheval Sinead O’Connor دارت الترطيبة أختي سيدي سعيد الكملي يضل يدير الدروس و يخطب الجمعة بالحرقة والسلاسة في الموعظة سيدي ياسين العمري يضل يدير محاضرات يقرص و يرخف و يفيّق فريد الأنصاري رحمه الله ترك دروس مهمة و كبيرٌ قدرُها في البلاد بگاع ديك تامغرابيت ديالو ينصح الشباب و يحل عينين الوالدين يحارب الفسق و الخرافات شيوخ كثيرون أفاضل يحاولون الحفاظ على تلك الذرة التي في قلوب فتياتنا ذلك الخوف من الله الذي في نفوس أخواتنا تجي أنتي ضربيه ب “عادزي””.
وتابع “واخا أنتي ألالة قلتي بلسانك أنتي مسلمة ياك فين أختي غاتخباي من هاد الآية قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَ>> ولّا الوقت دابا تبدلات “القرآن أختي يلا عندك انتي نص تاريخي !هاد البلاد راه عندها نص قابل لكل زمان و مكان”أقصد الشعب المغربي القحّ”
وهذا بلد إسلامي والقرآن نصّ لا يطغى عليه أي نص وضعيّ بشري لأنه كلام الخالق المشرّع الرحمٰن وما حدّو مازال مامطبّقش فالحكومات لا تنتظري الخير أبدا”.
وأردف بلغة قاصية “فأنتي لا نرى منك سوى manucure et pédicur لا نرى منك إلا تفاخر في الأولاد ،لا نرى منك إلا تفاخر في الأموال “ها بشحال شغيت الماكياج. هاشنو كانوكل ولادي ،هاكيفاش كانعسهم ها كيفاش كانفيقهم ،هاكيفاش كانبوسهم بلا مانلصّق فيهم العكر
دقيقة🤔 هل بهذا تحسبين نفسكِ أمّا مغربية ؟ و عنداك نوع الخير لي گلتي كاديري هو داك الخير : ديال بنادم كيدخل كيخلي 450dh ف KFC مني يكون خارج يماطي لي فالباب 2 dh ????? عنداك يكون هو داك الخير ديال :تكون گالس فقهوة ف CDG و شي مرا كبيرة دايزة كتسعى باب الله “كما حالنا جميعا” وتعيطي ليها بجهد باش كلشي لي فالقهوة يضور عندك”آلمرا ،آمسكينة” وتجبدي عشرة دريال من الصاك تعطيها ليها هي وداك الطريف الصغيور ديالSnickers لي بقا ليك فالصاك لاصق فيه الزغب و الخيوطة ؟ عنداك يكون الخير تتيَمّمين الخبيث من الطّطعام ،وليس إطعامه على حبّه؟”
هذا وقد انتقد البسطاوي طريقة كلام حبيركو قائلا:”المشكلة دخل مع الإنسان f la langue soutenue تجبد ليه غي Molière يگوليك هانا جاي كتعطي المتابعين ديالك une facette و صافي كتلقى كلمة بالفرنسة و10 بالعربية “Tris chère,aleur que ,donc,tout à fi ,je peux pli, ماغانهضرش على l’accent ديالها هاداكشي كيكون زيادة و خلوق دوي معها غير les mots référence ديال الحرفة ،تجبد الهاتف النقال ،المحمول الجوال غاندخل ليك لتيرانك “علاش ماكاتگوليش للمتابعات ديالك عافاكم قراو هادزle roman,شوفو le film كدا ديال المخرج كدا ؟؟؟؟غايكون أهون من ماديروش الحجاب”
واسترسل كلامه “حرام عليك اختي المتابعات را كايتيقو راه باقين صغارات يلا مشاو تا أنصطالاو شي فكرة تُغضب الله بسببك الوزر عليك أبنتي خليهم يخَفْنَ الله أختي واحد النهار ناويين يرجعو ليه سبحانو”.
واختتم كلامه “سمعتك قلتي فشي قنت آخر : _الزوج ديالي كلمتو ماكاطيحش للأرض أخويا دوي مع مراتك أخويا ،وا حنا نضلو نجرو عائلاتنا غي بالفن ،نضل نتحايل على اختي بلا مانعيّق
وتجي مراتك أخويا تبدا دير لينا هاد الخصايل ،كلمتك ماكاطيحش للأرض أخويا هضر معاها “.
