عقب توصلها بمجموعة من التعاليق والرسائل بخصوص علاقتها به، خرجت طليقة الاعب المغربي عز الدين أناحي عن صمتها وأضحت حقيقة زواجهما وانفصالهما.
وتقاسمت أسماء مع متابعيها عبر حسابها بموقع تبادل الصور والفيديوهات انستغرام، صور لعقد زواجها مع الاعب أرفقتها برسالة مظولة جاء فيها :”توضيح هام :النهايات أخلاق اليوم بغيت نخرج بتوضيح نصحح فيه ما تروجه مواقع التواصل الاجتماعي وخطوبتي بعز الدين أوناحي وأني فضحت أسراره و…و…و…”.
وتابعت المتحدثة :”لي بغيت نقول اليوم أني كنت فعلا متزوجة بعز الدين أوناحي على سنة الله و رسوله وعمرني فضحت أسرارو بالعكس عز الدين إنسان خلوق ومربي و نعم الصديق و الأخ و الإبن … وعلاقتي به بدات فاش كان كيلعب فناديAvranche قبل ما يلتاحق بنادي Angers و بالمنتخب الوطني , يعني كانت علاقة بريئة توّجناها بالزواج اللي حتى هو مسؤولية….عز الدين انسان موهوب وناجح في حياتو الكروية والمهنية بشهادات عالمية ، لكن أنا وياه منجحناش على المستوى الشخصي ومنجحش زواجنا”.
وأضافت أسماء :”لذلك لقينا الطلاق هو الحل ولكن ماشي بمفهومه التقليدي ،صافي طلقنا راه ولينا أعداء ، بالعكس لم ننسا الوّد بيننا وبقينا أصدقاء وكنسولو فبعضياتنا وكنشجعو بعضياتنا حيت الفشل فالعلاقة الزوجية ماشي نهاية العالم … ويقدر يكون هاد الفشل كان درس أيخليه يكون ناجح فعلاقتو مع انسانة أخرى وأنا نكون ناجحة مع إنسان آخر ♥️ الحياة ليست رجلا والحياة ليست إمرأة”.
هذا وقد أبرزت الأخيرة أن “الطلاق ليس نهاية العالم و ماشي جميع لطلقو ولاو أعداء حيت النهايات أخلاق… الصفحة اللي بيني وبين أوناحي كزوج وزوجة طويناها شحال هادا نتمناو تحتارمو هدشي حيت كيأتر على ناس خرين فحياتنا معندهم حتى شي ذنب”.
واش بعقلك, شنو كتقصدي ؟ الطلاق ماشي بمفهومه التقليدي ” وأن بعد الطلاق لم ننسا الوّد بيننا وبقينا أصدقاء وكنسولو فبعضياتنا وكنشجعو بعضياتنا حيت الفشل فالعلاقة الزوجية ماشي نهاية العالم … ويقدر يكون هاد الفشل كان درس أيخليه يكون ناجح فعلاقتو مع انسانة أخرى وأنا نكون ناجحة مع إنسان آخر “.
يعني أنتي ناويا تزوجي براجل آخر, وبغيتي تبقاي صديقة ديال طليقك الأول, واش شوية لاباس ؟ واش بغيتي ديري فيها أنكي ولتي بعقلية منفتحة حيث كنتي مزوجا بلعاب راكي وصلتي القمة ؟ دغيا كتنساو الدين ديالكم والحدود والهوية ديالكم, دابا الدين عندكم كتعتابروه “بمفهوم التقليدي”.
مكينش شي حاجة سميتها مطلقناش طلاق بمهوموه التقليدي, بعد الطلاق كتولي أجنبية عليه وهو أجنبي عليك يعني مكيبقا حتى علاقة بيناتكم, كيبقى غير الإحترام فقط, نتي باغا تبقاي الصديقة ديالو حيث لعاب. حلال عليه لعاب مشهور باش تبرري الصداقة ديالك معاه بأي طريقة تحث غطاء وهمي إسمو الإنفتاح. لو لم يكن لاعب. يعني كون تزوجتي بشخص عاي غيولي يبان ليك طلاق تقليدي وحرام تواصلي معاه, يعني مكيبقاش حلال, مغتحمليش تواصلاي معاه حتى نهار, ومغديش تكلمي عليه بهاد الكلام الجميل, حيث لعاب المسألة كتولي فيها الأضواء والبريستيج والشهرة
ومواقع التواصل. الحرام كيبقى حرام مهما كانت الأسباب والظروف ومهما كانت مكانت الوضعية الإجماعية لأي إنسان على وجه الأرض.
قال تعالى : “مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ”. يعني عند بالك المسلم الغيور غيقبل يتزوج بإمرأة عندها صديق, مستحيل عاقل يقبل بيها, ردو بالكم. كيفاش كتفكرو, ومتنجارفوش وراء العواطف ديالكم
الله يعطينا وجهكم, ولا حول ولا قوة إلا بالله منكم, والله ينجينا ويبعد علينا بنات بحالكم منافقات.